Mashhur sharhlovchi Konstantin Genich joriy mavsumda Londonning «Arsenal» jamoasi standart vaziyatlardan qanday unumli foydalanayotganini yuqori baholadi. Mikel Arteta boshchiligidagi jamoa burchak to'plari va jarima zarbalaridan tez-tez xavfli vaziyatlar yaratmoqda. Bu haqda euro-football.ru xabar beradi.
Genichning aytishicha, raqiblar bu jihatga qancha tayyorlanmasin, baribir «kanonirlar» o'z imkonini topmoqda. «Arsenal»ning standartlariga qarshi rejalar tuziladi, lekin raqiblarda allaqachon psixologik “kompleks” paydo bo'layapti: “hammani yopdikmi?” deb o'ylashadi, baribir gol o'tib ketadi», — dedi u «Komment.Shou» YouTube kanalida.
Eslatib o'tamiz, «Arsenal» so'nggi uchrashuvda o'z maydonida «Manchester Yunayted»ga 2:3 hisobida yutqazib qo'ydi.
Bugungi holatga ko'ra, «kanonirlar» 50 ochko bilan Angliya Premyer-ligasi turnir jadvalida peshqadam bo'lib turibdi.
“Zamin”ni Telegramʻda oʻqing!
