Myunxenning «Bavariya» jamoasi bosh murabbiyi Vensan Kompani Madridning «Atletiko» klubi yarim himoyachi Leon Goretskaga qiziqish bildirayotgani haqidagi mish-mishlarga munosabat bildirdi. Bu haqda euro-football.ru xabar beradi.
Matbuot anjumanida Kompani transfer masalalarini faqat murabbiy hal qilmasligini ta'kidladi: «Transfer bo'yicha qarorlar faqat murabbiyga bog'liq emas. Har bir holatda rahbariyat bilan muzokaralar olib boriladi. Oxirgi 48 soat ichida men faqat PSV haqida gapirdim, kelishi yoki ketishi mumkin bo'lgan futbolchilar haqida emas. Shuning uchun bu borada aniq ma'lumot bera olmayman», — dedi u.
Leon Goretska 2018 yilda «Boxum»dan erkin agent sifatida «Bavariya»ga kelib qo'shilgan. Uning shartnomasi 2026 yil 30 iyungacha amal qiladi. Joriy mavsumda yarim himoyachi myunxenliklar safida 28 uchrashuvda maydonga tushib, 1 ta gol urdi.
“Zamin”ni Telegramʻda oʻqing!
