"Inter" bosh murabbiyi Kristian Kivu jamoa yarim himoyachisi Pyotr Zelinskiyning so'nggi uchrashuvlardagi harakatlarini yuqori baholadi. Bu haqda euro-football.ru xabar beradi.
Kivuning ta'kidlashicha, Zelinskiy o'z o'yinidan mamnun bo'lishi kerak, murabbiylar shtabi ham bundan rozi. Mutaxassis polshalik futbolchini ajoyib sifatlari bilan ajralib turadigan fantastik ijrochi deya atadi. Shuningdek, u Zelinskiy o'ziga uncha mos bo'lmagan pozitsiyada ham jamoaga maksimal darajada foyda keltirish uchun bor kuchini berayotganini qayd etdi. Kivu futbolchining formasi yanada oshib borishini va yaqin o'yinlarda u muhim rol o'ynashini bildirdi.
Joriy mavsumda 31 yoshli Zelinskiy barcha musobaqalarda 28 ta bahsda maydonga tushib, 4 ta gol urdi va 2 ta golli uzatma muallifi bo'ldi.
28 yanvar kuni "Inter" Chempionlar ligasi 8-tur doirasida safarda Dortmundning "Borussiya" jamoasiga qarshi maydonga tushadi. Uchrashuv 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
