"Nyukasl" bosh murabbiyi Eddi Xau PSJga qarshi uchrashuv arafasida jamoaning braziliyalik yarim himoyachilari Joelin ton va Bruno Gimaraesning jismoniy holati haqida ma'lumot berdi. Bu haqda euro-football.ru xabar beradi.
Mutaxassisning so'zlariga ko'ra, Joelin ton bugungi bahsda maydonga tusha olmaydi: u tibbiy ko'rikdan o'tgan, jarohat jiddiy ko'rinmayapti, biroq futbolchi bir necha haftaga safdan chiqishi va bir nechta o'yinni o'tkazib yuborishi kutilmoqda. Bruno Gimaraes esa jamoa bilan birga, uning tayyorgarligi bo'yicha aniqroq xulosa yaqin soatlarda ma'lum bo'ladi.
Bugun, 28 yanvar kuni "Nyukasl" Chempionlar ligasi umumiy bosqichining yakuniy turida safarda PSJga qarshi maydonga tushadi. O'yin 01:00 da (Toshkent vaqti bilan) boshlanadi. Uchrashuv tafsilotlarini LiveResult portalidagi matnli translyatsiya orqali kuzatish mumkin.
“Zamin”ni Telegramʻda oʻqing!
