"Arsenal" hujumchisi Viktor Dyo'keresh 2026 yil boshidan beri barqaror o'yin namoyish etyapti va uning natijalari buni yaqqol ko'rsatmoqda. Bu haqda euro-football.ru xabar beradi.
Shanba oqshomida shved futbolchisi "Sanderlend"ga qarshi uchrashuvda (2:0) hisobni mustahkamladi. U ikkinchi bo'limda zaxiradan maydonga tushdi, Kay Havertsning aniq pasidan so'ng Robin Rufs darvozasining chap burchagini nishonga oldi.
14 yanvardan buyon Dyo'keresh sakkizta rasmiy o'yinning beshtasida gol urdi, faqat uch uchrashuvda raqib darvozasini ishg'ol qila olmadi. Bular APLdagi "Nottingem Forest" (0:0) va "Manchester Yunayted" (2:3)ga qarshi bahslar, shuningdek, Liga kubogi yarim finali javob o'yinida "Chelsi" bilan bo'lgan uchrashuv (1:0) edi.
Eslatib o'tamiz, Dyo'keresh 2025 yil yozida Lissabondagi "Sporting"dan "Arsenal"ga ko'chib o'tgandi. 7 fevral holatiga ko'ra, uning "kanonirlar" safidagi rasmiy turnirlarda jami 12 ta goli bor.
“Zamin”ni Telegramʻda oʻqing!
