«Chelsi» bosh murabbiyi Liam Rosenyor yarim himoyachi Koul Palmerning o'yinini yuqori baholadi. 7 fevral kuni Palmer «Vulverhempton» darvozasiga uch gol urib, het-trik qayd etdi. Bu haqda euro-football.ru xabar beradi.
Uchrashuvdan keyin Rosenyor Palmerning salohiyatini alohida ta'kidladi: «Biz Palmer jahon darajasidagi futbolchi ekanini bilamiz. U eng yaxshi formaga kirsa, uni to'xtatib bo'lmaydi», — dedi mutaxassis.
Koul Palmer 2023 yilda «Manchester Siti»dan «Chelsi»ga 47 mln yevro evaziga o'tgandi. Uning London klubi bilan shartnomasi 2033 yil 30 iyungacha mo'ljallangan. Joriy mavsumda u barcha musobaqalarda 17 o'yinda maydonga tushib, 8 ta gol urdi va 2 ta golli uzatma berdi. Transfermarkt portali Palmerning bozor narxini 120 mln yevroga baholamoqda.
“Zamin”ni Telegramʻda oʻqing!
