“Chelsi” yarim himoyachisi Koul Palmer jarohatlar bilan bog‘liq muammolar unga avval hech qachon bu darajada ta’sir qilmaganini aytdi. Bu haqda euro-football.ru xabar beradi.
23 yoshli angliyalik futbolchi APLning so‘nggi turida “Vulverhempton”ga qarshi o‘yinda (3:1) xet-trik qayd etdi. Palmer uchta golning barchasini birinchi bo‘limdayoq urdi, ulardan ikkitasi penaltidan kiritildi.
Palmerning ta’kidlashicha, bu mavsumgacha u faoliyati davomida jarohatlar sababli jiddiy qiyinchiliklarga duch kelmagan. Endi esa u bu holatga moslashishni o‘rganayotganini, lekin baribir vaziyat ranjitayotganini bildirdi. Uning so‘zlariga ko‘ra, joriy mavsumda deyarli biror uchrashuvga yuz foiz tayyor holatda chiqmagan va maydonga tushganda “buni qila olamanmi-yo‘qmi” degan o‘ylar haddan tashqari ko‘p aylanishini tan oldi.
“Ko‘klar” yetakchisining APLning joriy mavsumida 14 o‘yinda 7 ta gol urgan.
“Zamin”ni Telegramʻda oʻqing!
