Londonning «Arsenal» klubi bosh murabbiyi Mikel Arteta APLning 25-turida «Sanderlend» ustidan 3:0 hisobida qo'lga kiritilgan g'alabadan keyin o'yin bo'yicha fikrlarini bildirdi. Bu haqda euro-football.ru xabar beradi.
Mutaxassis raqibning o'yin uslubini alohida ta'kidladi: jismonan baquvvat, to'g'ridan-to'g'ri hujum qiladigan va yaxshi tashkil etilgan jamoa «kanonirlar»ga osonlikcha imkon bermaganini aytdi.
Arteta uchrashuv davomida jamoasi deyarli hech narsa boy bermaganini qayd etdi. Uning so'zlariga ko'ra, faqat bir epizodda darvozabon to'pni ushlashga uringan paytda qoidabuzarlik bo'lgan bo'lishi mumkin, qolgan vaziyatlarda esa jiddiy xatolar kuzatilmagan.
Shuningdek, murabbiy raqibning o'yinni buzishga usta ekani sababli barcha jihatlarda to'liq nazorat o'rnatish qiyin bo'lganini, «Sanderlend» oxirgi daqiqagacha kurashganini aytdi. «Bugun zavqlanish vaqti keldi, men juda xursandman», — dedi Arteta.
25-turdan so'ng «Arsenal» 56 ochko bilan turnir jadvalida peshqadam. «Manchester Siti» va «Aston Villa» hisobida 47 tadan ochko bor.
“Zamin”ni Telegramʻda oʻqing!
