Argentina Futbol Assotsiatsiyasi mahalliy klublar iqtidorli yoshlarni erta yo'qotib qo'yayotganini kamaytirish uchun yangi tartib joriy qildi. Bu haqda The Athletic xabar bermoqda. Bu haqda euro-football.ru xabar beradi.
Endilikda o'z faoliyatida Argentina klubida professional shartnoma imzolamasdan turib chet elga ketgan futbolchilar milliy jamoalarga chaqirilmaydi.
Mamlakatda amaldagi «patria potestad» qonuni ota-onalarga farzandlarini xorij klublariga kompensatsiyasiz o'tkazish imkonini beradi. Assotsiatsiya bunday ketishlarni to'g'ridan-to'g'ri taqiqlay olmaydi, biroq terma jamoada o'ynash huquqidan mahrum bo'lish yoshlarni juda erta transferlardan qaytaradi, degan umidda.
Qayd etilishicha, agar bu qoida avvalroq kuchga kirganida, Lionel Messi, Emiliano Martines va «albiseleste»dagi yana bir nechta hozirgi futbolchilar xalqaro maydonda o'z yurtini emas, boshqa terma jamoani tanlashga majbur bo'lishi mumkin edi.
“Zamin”ni Telegramʻda oʻqing!
