Myunxenning «Bavariya» klubi bosh murabbiyi Vensan Kompani Bundesligada bir mavsumdagi eng ko‘p gol urish rekordiga yaqinlashish ehtimoli yuzasidan munosabat bildirdi. Bu haqda euro-football.ru xabar beradi.
21-turdan so‘ng bavariyaliklar 79 ta gol urib, hatto o‘z standartlari bo‘yicha ham juda yuqori natija qayd etmoqda. Hozircha chempionatdagi amaldagi rekord — 101 ta gol.
«Bu men uchun birinchi darajali maqsad emas. Lekin “Bavariya” maqomi shuni talab qiladi: hujumda faol bo‘lishimiz, ko‘p gol urishimiz kerak. Muxlislar ham bizdan shuni kutadi. Bu — kuchli jihatimiz. Men uchun eng muhimi, istalgan pallada gol ura olishimizni his qilish. Hozir yigitlar buni juda yaxshi uddalayapti», — dedi Kompani matbuot anjumanida.
Yakshanba kuni «Bavariya» navbatdagi yirik g‘alabasini rasmiylashtirib, «Hoffenhaym»ni 5:1 hisobida mag‘lub etdi.
“Zamin”ni Telegramʻda oʻqing!
