"Yuventus"ning sobiq darvozaboni va klub afsonasi Janluiji Buffon turinliklar hujumchisi Kenan Yildiz haqida fikr bildirdi. Bu haqda euro-football.ru xabar beradi.
Buffonning aytishicha, Yildiz agar "Yuventus" bilan Chempionlar ligasini yutishga muvaffaq bo'lsa, klub tarixida afsonaga aylanishi mumkin. "Uning maydonda ko'rsatayotgani — haqiqatan ham noodatiy daraja", — dedi Buffon DAZN'ga bergan intervyusida.
Turkiyalik futbolchi "Yuventus" safiga 2022 yilda "Bavariya"dan erkin agent sifatida kelib qo'shilgan. 7-fevral kuni Yildiz turin klubi bilan 2030 yil 30 iyungacha mo'ljallangan yangi shartnomaga imzo chekdi.
Joriy mavsumda hujumchi barcha musobaqalarda 32 o'yinda maydonga tushib, 9 ta gol urdi va 8 ta golli uzatma amalga oshirdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
