Arda Guler bilan «Fenerbahche»da ishlagan murabbiy Serhat Pekmezhchi yarim himoyachining Madridning «Real» klubidagi moslashuv jarayoni oson kechmayotganini aytdi. Bu haqda euro-football.ru xabar beradi.
Turkiyalik hujumkor yarim himoyachi «Fenerbahche»dan «qirolichalar klubi» safiga 2023 yil yozida kelib qo‘shilgan edi.
Pekmezhchining ta’kidlashicha, «Real» kabi mega-klubda Guler turli bosimlarga duch kelmoqda. Murabbiy futbolchi unga bevosita shikoyat qilmaganini, biroq bunday holat yuz berishi mumkinligini oldindan sezganini bildirdi. Uning so‘zlariga ko‘ra, jamoa ichida egoosi haddan tashqari oshib ketgan ayrim futbolchilar bor va ular hanuzgacha Ardani to‘liq qabul qilmagan.
Joriy mavsumda Guler «qaymoqranglilar» safida 35 uchrashuvda maydonga tushib, 3 ta gol urdi va 12 ta golli uzatmani amalga oshirdi.
“Zamin”ni Telegramʻda oʻqing!
