"Bavariya" yarim himoyachisi Aleksandr Pavlovich "RB Leyptsig" futbolchilari bilan bo'lib o'tgan bahsli vaziyat haqida fikr bildirdi. Bu haqda euro-football.ru xabar beradi.
Germaniya kubogi chorak finalida myunxenliklar 2:0 hisobida g'alaba qozondi. Uchrashuvning ikkinchi bo'limida maydonda kichik tortishuv yuzaga kelib, uning yakunida Pavlovich sariq kartochka oldi.
"Men o'zimni ortiqcha tajovuzkor tutdim, bunday holat menga yarashmaydi. Ammo emotsiya — futbolning bir qismi. Jamalga keraksiz tarzda qo'pol o'ynashdi, shuning uchun jahlim chiqdi. Aslida vazmin bo'lishim kerak edi, lekin o'sha paytda hammasi Jamal uchun edi", — deya Pavlovichning so'zlarini Bayern & Germany keltirdi.
"Bavariya" navbatdagi o'yinini 14 fevral kuni "Verder"ga qarshi o'tkazadi. Bundesliganing 22-tur bahsi 19:30 da (Toshkent vaqti bilan) boshlanishi rejalashtirilgan.
“Zamin”ni Telegramʻda oʻqing!
