Joan Garsiya La Ligada qo'pol xatolar bo'yicha ikkinchi
"Barselona" darvozaboni Joan Garsiya Ispaniya kubogi yarim finalida "Atletiko"ga qarshi o'yinda 6-daqiqada avtogolga sabab bo'lgan xatoga yo'l qo'ydi. U o'tgan mavsum boshidan buyon barcha musobaqalarda golga olib kelgan 4 ta xato qilgan. Bu natija La Liga darvozabonlari orasida David Soriya bilan birga ikkinchi eng yomon ko'rsatkich hisoblanadi. Mazkur davrda Paulo Gassaniga 6 ta xato bilan eng yuqori natijani qayd etgan.
"Barselona" darvozaboni Joan Garsiya Ispaniya kubogi yarim finalining ilk uchrashuvida Madridning "Atletiko" klubiga qarshi o'yinda (0:4) qo'pol xatoga yo'l qo'ydi. Bu haqda euro-football.ru xabar beradi.
6-daqiqada Erik Garsiyadan uzatilgan to'pni qabul qilishda muammo yuzaga keldi va to'p darvozaga kirib ketib, avtogol qayd etildi. Shu gol kataloniyaliklar uchun yirik mag'lubiyatning boshlanishiga aylandi.
Opta ma'lumotiga ko'ra, Joan Garsiya o'tgan mavsum boshidan buyon barcha musobaqalarda 4-marta golga olib kelgan xato qilgan. Bu ko'rsatkich La Liga darvozabonlari orasida ikkinchi eng yomon natija bo'lib, u David Soriya bilan teng. Bu davrda eng ko'p xato Paulo Gassanigada — 6 ta.
Eslatib o'tamiz, Joan Garsiya o'tgan yozda "Espanol"dan "Barselona" safiga ko'chib o'tgandi.
Izohlar 0
…