La Liga doirasidagi shanba kungi uchrashuvda Madridning «Real» klubi o'z maydonida «Real Sosyedad»ni yirik hisobda mag'lub etdi — 4:1. Bu haqda euro-football.ru xabar beradi.
Mezbonlar g'alabasini Gonsalo Garsiya va Federiko Valverdening gollari, shuningdek, Vinisius Juniorning dubli ta'minladi. Braziliyalik hujumchi ikkala golini ham penaltidan urdi.
O'yindan keyin Valverde jamoaning harakatiga alohida urg'u berdi: «Murabbiy maydonda ko'p harakat qilishimizni so'raydi. Bugun esa o'zimni ancha erkin va qulay his qildim», — dedi u.
Ma'lumot uchun, Alvaro Arbeloa madridliklar bosh murabbiyi lavozimini bir oydan sal ko'proq vaqt avval egallagan. U o'sha paytda ishdan bo'shatilgan Xabi Alonso o'rnini bosgan.
Ushbu g'alabadan keyin «Real» turnir jadvalida «Barselona»ni ikki ochkoga ortda qoldirdi, biroq kataloniyaliklar bu turdagi uchrashuvini hali o'tkazmagan.
“Zamin”ni Telegramʻda oʻqing!
