APLdagi uch klub Tomas Frankni ishga taklif qilishi mumkin

“Tottenhem”ning sobiq bosh murabbiyi Tomas Frank yozda yana murabbiylik faoliyatiga qaytishi ehtimoli bor. Bu haqda euro-football.ru xabar beradi.

TEAMtalk xabariga ko‘ra, 52 yoshli daniyalik mutaxassisga Angliya Premyer-ligasining darhol uch klubi qiziqish bildirmoqda. Joriy mavsum yakunidan keyin murabbiylar o‘zgarishi kutilayotgan “Kristal Pelas”, “Fulhem” va “Bornmut” Frank nomzodini ko‘rib chiqmoqda.

Frankning so‘nggi ish joyi “Tottenhem” bo‘lib, u klubni 2025 yil yozidan joriy yil fevraligacha boshqargan. Avvalroq u “Brentford”, “Brondbyu” hamda Daniya yoshlar terma jamoalarida ham faoliyat yuritgan.

APLning 26 turidan keyin “Tottenhem” 29 ochko bilan turnir jadvalida 16-o‘rinda bormoqda.