Italiya A Seriyasining 25-turida Parma – Verona uchrashuvida erta qizil kartochka o‘yin ssenariysini keskin o‘zgartirdi. Shunga qaramay, bahs oxirigacha intriga saqlanib qoldi. Bu haqda euro-football.ru xabar beradi.
Hisob 4-daqiqadayoq ochildi: Adrian Bernabe jarima maydoni tashqarisidan aniq zarba yo‘llab, Parmani oldinga olib chiqdi — 1:0. 11-daqiqada esa Gift Orban Lautaro Valentiga tirsak bilan zarba bergani uchun maydondan chetlatildi va Verona qolgan vaqtni bir kishi kam bo‘lib o‘tkazdi.
Mehmonlar son jihatdan kam bo‘lishiga qaramay, penalti evaziga javob qaytardi: Kieron Boui ishlagan 11 metrlik jarimani Abdu Arrui sovuqqonlik bilan amalga oshirib, darvozabonni aldadi — 1:1.
Ikkinchi bo‘limda Parma bosimni kuchaytirdi: Yakob Ondreykaning zarbasi biroz noaniq ketdi, Gabriyel Strefessaning uzoqdan yo‘llagan to‘pi esa to‘sin bilan to‘xtadi. Mateo Pellegrino bosh bilan xavfli zarba berdi, ammo to‘p ustun yonidan o‘tib ketdi.
G‘alaba goli faqat qo‘shimcha daqiqalarda keldi: Hans Nikolussi Kavilianing uzatmasidan so‘ng Pellegrino bosh bilan aniq yakunlab, Parmaga 2:1 hisobidagi muhim uch ochkoni taqdim etdi.
Ushbu natijadan keyin Parma turnir jadvalida 12-o‘ringa ko‘tarildi, Verona esa so‘nggi pog‘onani raqiblari bilan bo‘lishib turibdi.
“Zamin”ni Telegramʻda oʻqing!
