Fransiya Ligasining 22-turida «Gavr» «Tuluza»ni qabul qildi va uchrashuv nihoyatda erta yuz bergan chetlatishga qaramay, yakunda ijobiy natijaga erishdi. Bu haqda euro-football.ru xabar beradi.
O'yin startidan ko'p o'tmay Aruna Sangante Emersonnni qo'pol to'xtatib qoldi va hakam unga qizil kartochka ko'rsatdi. Shunga qaramay, 43-daqiqada Issa Sumare to'pni olib qo'yib, darvozabonni ham aldadi va hisobni ochdi — 1:0. Birinchi bo'limga qo'shib berilgan daqiqalarda «Tuluza» burchak zarbasidan so'ng muvozanatni tikladi: Charli Kressuell pasidan keyin Djibril Sidibe aniq zarba berdi — 1:1.
Ikkinchi bo'lim boshida «Gavr» yana oldinga chiqdi: 53-daqiqada Sofian Bufal to'pni ilib ketib, Sumareni tezkor hujumga chiqarib yubordi, hujumchi esa dublini rasmiylashtirdi — 2:1. 75-daqiqada «Tuluza» jarima maydonchasidagi kurashda Santyago Idalgo orqali gol urdi, ammo VAR aralashuvi bilan epizodda qoida buzilishi aniqlanib, gol bekor qilindi.
Natijada «Gavr» 2:1 hisobida g'alaba qozondi va turnir jadvalida 13-o'ringa ko'tarildi. «Tuluza» esa 9-pog'onada qoldi.
“Zamin”ni Telegramʻda oʻqing!
