Fransuz futbol agenti Nabil Ahmad «Yevro-Futbol.Ru» nashriga bergan fikrida «PSJ» darvozaboni Matvey Safonov Yevropa Chempionlar ligasida «Monako»ga qarshi uchrashuvda asosiy tarkibda o'ynashiga ishonchini bildirdi. Bu haqda euro-football.ru xabar beradi.
Ahmadning aytishicha, Safonov jarohatdan forig' bo'lgach darhol maydonga qaytgani Luis Enrike unga tayanayotganini ko'rsatgan. Agent murabbiy ilk o'yinda uncha ishonchli bo'lmagan harakatlardan keyin ham rossiyalik posbonni zaxiraga o'tkazib qo'yishi dargumonligini ta'kidladi.
Eslatib o'tamiz, Safonov «PSJ»ning so'nggi o'yinida «Renn»ga qarshi bahsda uchta gol o'tkazib yuborgan edi va parijliklar Liga 1 doirasidagi uchrashuvda 1:3 hisobida mag'lub bo'lishdi. Shu natijadan keyin «PSJ» peshqadamlikni boy berdi, «Lens»dan ortda qolish — bir ochko.
“Zamin”ni Telegramʻda oʻqing!
