"Yuventus" sardori Manuel Lokatelli "Galatasaray"ga qarshi ilk o'yinda 2:5 hisobida yutqazib qo'yilganidan keyin ham jamoa keyingi bosqichga chiqishiga ishonishini aytdi. Bu haqda euro-football.ru xabar beradi.
Turinliklar Turkiyadagi bahsda omadsiz o'yin ko'rsatdi. Tanaffusga qadar hisob 2:1 bo'lib, Tyun Kopmeyners ikki bor raqib darvozasini ishg'ol etgandi, biroq ikkinchi bo'limda vaziyat keskin o'zgarib ketdi.
"Bugun kechqurun juda yomon o'ynadik, bunday holatni o'zimizga ravo ko'rmasligimiz kerak. Shunga qaramay, keyingi raundga chiqishimizga ishonamiz. Javob uchrashuvida bor kuchimizni beramiz. Kabalning qizil kartochkasi o'yin oqimiga ta'sir qildi, ammo yakka xatolar ham bo'lgan, hammasini faqat uning zimmasiga yuklab bo'lmaydi", — deya Lokatellining so'zlarini jurnalist Nikolo Skira keltirdi.
"Yuventus" va "Galatasaray" o'rtasidagi javob uchrashuvi 25 fevral kuni bo'lib o'tadi.
“Zamin”ni Telegramʻda oʻqing!
