Runi Slot nega Liverpulga mos kelmasligini izohladi

Angliya futbolining taniqli sobiq hujumchisi Ueyn Runi «Liverpul» bosh murabbiyi Arne Slot haqida o‘z fikrini bildirdi. Bu haqda euro-football.ru xabar beradi.

Niderlandiyalik mutaxassis Angliyadagi ilk mavsumidayoq «qizillar»ni APL chempionligiga olib chiqqan edi. Biroq joriy mavsum u qadar omadli kechmayapti: 26 turdan so‘ng jamoa turnir jadvalida faqat 6-o‘rinda bormoqda.

«Men Slot bilan bir necha bor uchrashganman, u yoqimli insondek tuyuladi. Ammo unda «Liverpul»ga xos o‘sha aura bor, deb o‘ylamayman. Balki bunga Yurgen Klopp davrining ta’siri sababdir — bunday davrdan keyin istalgan murabbiyga qiyin bo‘ladi», — deya Runining so‘zlarini The Anfield Buzz keltiradi.

Arne Slotning «Liverpul» bilan tuzgan shartnomasi 2027 yil o‘rtalarigacha amal qiladi.