«Bornmut» markaziy himoyachisi Markos Senesi faoliyatini «Barselona»da davom ettirish niyatida. Bu haqda euro-football.ru xabar beradi.
Manbalarga ko'ra, kataloniyaliklar argentinalik futbolchini yanvarda ham tarkibga qo'shib olish imkoniga ega edi, biroq muzokaralar yakuniy bosqichga yetib bormagan. Yozda Senesi erkin agentga aylanadi va «Barselona» hanuz uning uchun da'vogarlar qatorida: ro'yxatda «Yuventus», «Tottenhem», «Manchester Yunayted» hamda yana bir qator klublar bor. TEAMtalk xabariga ko'ra, Senesi «Barselona» qiziqish bildirganini bilishi bilan aynan shu yo'lni ustuvor deb belgilagan, qolgan variantlarni esa ikkinchi darajali deb ko'rmoqda.
Transfermarkt ekspertlari Markos Senesining bozor qiymatini 22 million yevroga baholamoqda. Futbolchi may oyida 29 yoshga to'ladi.
“Zamin”ni Telegramʻda oʻqing!
