Chorshanba kuni milliy chempionatlarda ham qiziq voqealar bo'ldi: «Arsenal» va «Milan» g'alabani qo'ldan boy berdi, «Vilyarreal» esa bir to'p farqi bilan yutdi. Biroq asosiy shov-shuv Chempionlar ligasida yuz berdi. Bu haqda euro-football.ru xabar beradi.
1/16 final bosqichining dastlabki to'rtta uchrashuvi bo'lib o'tdi. Unda Madridning «Atletiko»si, Milanning «Inter»i, Leverkuzenning «Bayer»i va «Qorabog'» maydonga tushdi.
«Qorabog'» esa bu safar ham juda og'ir oqshomni boshdan kechirdi. O'z maydonida «Nyukasl»ga qarshi o'yinda ag'damliklar mudofaada butunlay izdan chiqdi: inglizlar ilk daqiqalardanoq faol pressing bilan raqibni bo'g'ib qo'ydi.
«Nyukasl» yetakchisi Gordon birinchi bo'limning o'zida to'rtta gol urib, haqiqiy shou ko'rsatdi. U ikkita penalti hamni aniq ijro etdi, hatto ikkinchi 11 metrlik zarbadan oldin jamoa ichidagi kichik tortishuv ham bo'ldi. Tanaffusga kelib hisob 0:5 bo'lib turardi, mezbonlar esa birinchi bo'limda darvozaga umuman zarba bera olmadi.
Ikkinchi bo'limda «Qorabog'» nihoyat javob qaytardi: Jafarguliyev gol urdi. Ammo Murfi tez orada farqni yana besh to'pga yetkazdi — 1:6. Endi «Sent-Jeyms Park»dagi javob uchrashuvi, katta ehtimol bilan, rasmiyatchilikka aylanib qoladi.
Bruggeda «Atletiko» ham g'alabani ushlab qola olmadi. Mehmonlar ikki to'p farqi bilan oldinga chiqib olganiga qaramay, mezbonlar hisobni tenglashtirdi. O'yin oxirida «Bryugge» avtogol orqali madridliklarni yana oldinga o'tkazib yubordi, biroq 89-daqiqada «qora-ko'klar» kerakli darvozaga gol urib, 3:3 natijani qayd etdi.
Norvegiyada esa «Inter» uchun safar omadsiz yakunlandi. Birinchi bo'limda Brunstad-Het hamda Pio Espozito gollari evaziga hisob tenglashdi, tanaffusdan keyin Xyoge va Xyog mezbonlarga 3:1 hisobidagi g'alabani taqdim etdi. «Bude-Glimt» Chempionlar ligasida ketma-ket «Manchester Siti», «Atletiko» va «Inter»ni mag'lub etib, mavsum sensatsiyasini davom ettirmoqda.
Italiyaning barcha uch klubi javob o'yinlarini uyda o'tkazadi: «Inter» va «Atalanta» ikki to'p, «Yuventus» esa uch to'p farqini yopishga urinadi. «Bayer» esa «Olimpiakos» ustidan safarda qo'lga kiritilgan 2:0 g'alabadan keyin uy uchrashuviga ijobiy kayfiyatda tayyorlanadi: Shik 60 va 63-daqiqalarda dubl qayd etib, yunonlarni «Karaiskakis»da taslim qilgandi.
Javob uchrashuvlari odatdagidek seshanba va chorshanba kunlari, kelasi haftada bo'lib o'tadi.
“Zamin”ni Telegramʻda oʻqing!
