“Manchester Siti”ning sobiq yarim himoyachisi Samir Nasri “Benfika” bosh murabbiyi Joze Mourinyuning Madrid “Real”i hujumchisi Vinisiusga qaratilgan fikrlarini keskin tanqid qildi. Bu haqda euro-football.ru xabar beradi.
Avvalroq Mourinyu “Real”da qora tanli futbolchilar ko‘p bo‘lsa-da, irqchilikdan doimiy ravishda aynan Vinisius aziyat chekayotgani g‘alati ekanini aytgandi. Gap Chempionlar ligasi pley-off bosqichidagi o‘tish uchrashuvi atrofidagi vaziyat haqida ketmoqda: Vinisiusning ta’kidlashicha, u lissabonliklar safidagi Janluka Prestianining harakatlaridan jabrlangan.
Nasri Canal+ efirida Mourinyuning bu pozitsiyasini tanqid qilib, murabbiylarning o‘zi ham maydonda hissiyotga berilib ketishini eslatdi: “Futbolchini 90 daqiqa hushtakbozlik bilan bosimda ushlab turishadi, u esa baribir gol urishni xohlaydi… Buni aytayotgan ham Mourinyu. U ‘Inter’ bilan Chempionlar ligasida ‘Barselona’ni yengib keyingi bosqichga chiqqanida, katalonlar stadionida aylanib yugurgan edi”, — dedi fransuz mutaxassis.
Shuningdek, Nasri portugaliyalik murabbiy “Manchester Yunayted”ni boshqargan davrida jamoasi gol urgan paytda Tyerri Anriga xos uslubda nishonlagan holatlarni ham yodga oldi.
Ma’lumot uchun, “Real” Lissabonda “Benfika”ni 1:0 hisobida mag‘lub etdi. Javob uchrashuvi 25 fevral kuni Madridda bo‘lib o‘tadi.
“Zamin”ni Telegramʻda oʻqing!
