Myunxenning «Bavariya» jamoasi bosh murabbiyi Vensan Kompani «Ayntraxt»ga qarshi o'yin oldidan tarkibdagi to'rt futbolchi sariq kartochkalar bo'yicha xavfli chegarada turganiga qaramay, fikri Dortmundning «Borussiya»si bilan bo'ladigan keyingi uchrashuvda emasligini ta'kidladi. Bu haqda euro-football.ru xabar beradi.
Mutaxassisning aytishicha, hozir butun e'tibor faqat Frankfurt klubiga qarshi bahsga qaratilgan: jamoa ogohlantirishlar bilan bog'liq vaziyatdan xabardor, ammo bunday narsalarning barchasini oldindan rejalashtirib bo'lmaydi. Kompani uchun ayni damda eng muhim vazifa — «Ayntraxt» ustidan g'alaba qozonish.
Bundesliganing 23-turidan o'rin olgan «Bavariya» — «Ayntraxt» uchrashuvi shanba kuni, 21-fevralda bo'lib o'tadi. Bellashuv 19:30 da (Toshkent vaqti bilan) start oladi.
«Bavariya»ning navbatdagi o'yini Dortmundning «Borussiya»siga qarshi 28-fevral kuni o'tkaziladi.
“Zamin”ni Telegramʻda oʻqing!
