PSJ bosh murabbiyi Luis Enrike Madridning «Real» klubi futbolchisi Vinisius Junior va «Benfika» vakili Janluka Prestianni atrofida yuzaga kelgan irqi kamsitish bilan bog'liq mojaro yuzasidan savolga javob berdi. Bu haqda euro-football.ru xabar beradi.
Uchrashuv vaqtida braziliyalik futbolchi hakamga argentinalik raqib tomonidan aytilgan haqoratlardan shikoyat qilgan. Prestianniga qanday jazo qo'llanishi hozircha noma'lum — barchasi ayblovlar tasdiqlansa, keyin hal bo'ladi.
«Rasizm bilan bog'liq holatmi? Bu borada nima deyishim mumkin? Muhimi yo'q. Prestianni uzr so'rasin va bu mavzuni yopaylik, tamom», — dedi Enrike matbuot anjumanida.
Portugaliya poytaxtida seshanba kuni bo'lib o'tgan «Benfika» — «Real» bahsida mehmonlar 1:0 hisobida g'alaba qozondi. Javob uchrashuvi kelasi hafta, 25 fevral kuni bo'lib o'tadi.
“Zamin”ni Telegramʻda oʻqing!
