Yevropa futbol haftaligi Maynts – Gamburg uchrashuvi bilan start oldi. Tomonlar 1:1 hisobida durang o'ynab, bir ochkodan qo'lga kiritdi. Bu haqda euro-football.ru xabar beradi.
Uchrashuv boshida Gamburg xavfli vaziyat yaratdi: Varmed Omari uzoqdan zarba yo'llab darvozabonning hushyorligini sinadi, qaytgan to'pga birinchi bo'lib yetib borgan Ransford Kenigsdirffer esa yakunda darvoza sohasiga aniq ura olmadi. 42-daqiqada mezbonlar oldinga chiqdi — Denni da Kosta Nadim Amiriga golli pas uzatdi va hisob ochildi.
Ikkinchi bo'limda Nikolас Kapaldo uzoq masofadan zarba berdi, biroq to'p ustun yonidan o'tib ketdi. 62-daqiqada aynan Kapaldo raqib jarima maydoni yaqinida xavfli jarima zarbasini ishlab berdi va Fabiu Viyeyra to'g'ridan-to'g'ri zarba bilan to'pni to'rga mixladi — 1:1.
Durangdan keyin Maynts turnir jadvalida 13-o'ringa ko'tarildi, Gamburg esa 9-pog'onada qoldi.
“Zamin”ni Telegramʻda oʻqing!
