«Pari Sen-Jermen» bosh murabbiyi Luis Enrike hujumchi Usmon Dembelening jarohati yuzasidan izoh berdi. Bu haqda euro-football.ru xabar beradi.
28 yoshli futbolchi Chempionlar ligasida «Monako»ga qarshi o'yinda shikastlanib qoldi va 27-daqiqdayoq almashtirilishga majbur bo'ldi. Kutilishicha, u shanba kuni Liga 1 doirasida «Mets»ga qarshi bahsni o'tkazib yuboradi.
«Dembele jarohat oldi. Biz futbolchilarimizni juda yaxshi bilamiz. Yondashuvimiz oddiy: biz hech qachon hech kimning sog'lig'ini xavf ostiga qo'ymaymiz, imkon qadar har bir o'yinchining salomatligini asrashga harakat qilamiz. Ammo bunday yuqori darajadagi futbolda jarohatlar — o'yinning bir qismi», — dedi Enrike matbuot anjumanida.
«PSJ» — «Mets» uchrashuvi 01:05 da (Toshkent vaqti bilan) start oladi.
“Zamin”ni Telegramʻda oʻqing!
