"Marsel" bosh murabbiyi Habib Beye yangi jamoasidagi ilk uchrashuvdan so'ng fikr bildirdi. Fransiya chempionatining 23-turida marselliklar safarda "Brest"ga 0:2 hisobida imkoniyatni boy berdi. Bu haqda euro-football.ru xabar beradi.
Mutaxassisning aytishicha, birinchi bo'limda jamoa yetarli intensivlik ko'rsata olmagan. Beye o'yin davomida taktik sxema o'zgargani va penalti vaziyatlari uchrashuv taqdirini burib yuborishi mumkinligini ta'kidladi, biroq bu g'alaba uchun kifoya qilmagan.
Shuningdek, murabbiy jamoada ishonch borasida kichik pasayish sezilayotganini qayd etdi. Uning so'zlariga ko'ra, salbiy natijalar dinamikasi futbolchilarga bosim o'tkazmoqda va u o'yinchilardan ijobiy ruhni saqlab, ishlashga e'tibor qaratishni so'ragan.
23-turdan keyin "Marsel" turnir jadvalida 40 ochko bilan to'rtinchi o'rinda bormoqda.
“Zamin”ni Telegramʻda oʻqing!
