Londonning «Chelsi» klubi himoyachisi Mamadu Sarr jamoaga qaytgani borasida fikr bildirdi. 20 yoshli senegallik futbolchi mavsumning birinchi qismini fransuzning «Strasburg» klubida ijara asosida o‘tkazgandi. Bu haqda euro-football.ru xabar beradi.
«Bu yerda bo‘lishdan juda xursandman. Qaytishim oson kechdi, chunki yigitlarni ham, bu yerdagi hammani ham bilaman — hech qanday muammo bo‘lmadi. Bu yerda a’lo darajadagi futbolchilar bor. Jamoada bo‘lish men uchun yoqimli va hayajonli», — deya Sarrning so‘zlarini «Chelsi» matbuot xizmati keltirdi.
Qaytganidan so‘ng Sarr Angliya kubogida bitta uchrashuvda maydonga tushdi, biroq gol yoki assist bilan ajralib chiqmadi.
Shanba, 21-fevral kuni «Chelsi» APLning 27-turi doirasida o‘z maydonida «Byornli»ni qabul qiladi. Uchrashuv 20:00 da (Toshkent vaqti bilan) start oladi.
“Zamin”ni Telegramʻda oʻqing!
