PSJ bosh murabbiyi Luis Enrike Usman Dembele hamda Dezire Duening ahvoli borasida yangiliklar bilan o'rtoqlashdi. Bu haqda euro-football.ru xabar beradi.
Fransiya Ligue 1 23-turida parijliklar «Mets»ni 3:0 hisobida mag'lub etdi. Uchrashuvning 3-daqiqasidayoq hisobni ochgan Due tanaffusda ehtiyot chorasi sifatida almashtirildi — unda jarohat bo'lishi mumkinligi taxmin qilingandi.
Dembele esa avvalroq Yevropa Chempionlar ligasida «Monako»ga qarshi o'yinda olgan shikast sabab bu bahsni o'tkazib yubordi.
Enrikening ta'kidlashicha, Due bilan hammasi joyida: u biroz charchagan, biroq og'riq sezmayapti va jarohati yo'q.
Dembele masalasida murabbiy aniq xulosa qilishga shoshilmadi, ammo jarohat jiddiy emasligini aytdi: futbolchida shunchaki lat yeyish bor. Enrike uning ertangi holatiga qarab qaror qabul qilinishini bildirdi.
PSJ chorshanba kuni «Monako»ga qarshi javob o'yinini o'tkazadi.
“Zamin”ni Telegramʻda oʻqing!
