Bundesliga gigantlari APLdagi yosh iqtidorga ko'z tikdi

“Vulverhempton”ning 18 yoshli hujumkor yarim himoyachisi Mateus Mane Germaniyaning yetakchi klublari diqqat markaziga tushdi. Bu haqda euro-football.ru xabar beradi.

Insayder jurnalist Ekrem Konur xabariga ko'ra, “Bavariya”, “RB Leyptsig” va Dortmundning “Borussiya”si yosh ingliz futbolchisining o'yinlaridan katta taassurot olgan. Manega, shuningdek, “PSJ” hamda Angliya Premyer-ligasining top jamoalari — “Manchester Yunayted”, “Liverpul”, “Arsenal” va “Manchester Siti” ham qiziqish bildirmoqda.

Joriy mavsum Mane barcha musobaqalarda 33 uchrashuvda maydonga tushib, 7 gol urdi va 6 ta golli uzatmani amalga oshirdi.

Avvalroq “Vulverhempton” futbolchisi uchun transfer narxini belgilab qo'ygani haqida ham xabarlar tarqalgan edi.