Angliya chempionatining navbatdagi turida «Sanderlend» o‘z maydonida kutilmaganda mag‘lub bo‘ldi. Bungacha APLga yangi chiqqan jamoa sifatida uy uchrashuvlarida uzoq vaqt yutqazmay kelayotgan «qora mushuklar» bu safar «dachniklar» bosimiga bardosh bera olmadi. Bu haqda euro-football.ru xabar beradi.
Uchrashuvdan keyin «Sanderlend» bosh murabbiyi Regis Le Bris o‘yin tafsilotlariga to‘xtaldi. Mutaxassisning aytishicha, bahs umumiy hisobda teng va muvozanatli o‘tgan, natijani esa alohida epizodlar hal qilgan.
«O‘yin aslida teng o‘tdi, hamma narsani ayrim vaziyatlar belgiladi. Standart holatlar zamonaviy futbolda naqadar muhim ekanini yana bir bor ko‘rsatdi. Biz esa ularni yaxshi himoya qila olmadik», — deya Le Brisning so‘zlarini BBC Sport keltirdi.
Hozir «Sanderlend» APL turnir jadvalida 12-o‘rinda bormoqda.
“Zamin”ni Telegramʻda oʻqing!
