Sunderland Angliya Premer-ligasiga qaytganidan soʻng muvaffaqiyatli mavsum oʻtkazayotgan boʻlsa-da, klub boshqaruvida oʻzgarishlar boʻlishi mumkinligi haqidagi mish-mishlar tinmayapti. Xususan, Tottenxemdagi muvaffaqiyatsiz faoliyatidan soʻng ishsiz qolgan Thomas Frankning nomi "qora mushuklar" bilan bogʻlanmoqda. Bu haqda Goal.com xabar beradi.
Jamoa afsonasi Maykl Grey GOAL nashriga bergan intervyusida bu xabarlarni "aqldan ozganlik" deb atadi. Regis Le Bris jamoani sakkiz yillik tanaffusdan soʻng elitaga qaytarib, muxlislar mehrini qozongan edi. Mutaxassisning samarali transfer siyosati tufayli Sunderland hozirda turnir jadvalining yuqori qismida bormoqda.
Greyning fikricha, Regis Le Brisni isteʼfoga chiqarish katta xato boʻladi. U klub rahbariyati fransiyalik murabbiyga yangi shartnoma taklif qilishi va jamoani keyingi bosqichga olib chiqish imkonini berishi kerakligini taʼkidladi.
Shunga qaramay, futbol olami kutilmagan voqealarga boy. Agar rahbariyat baribir oʻzgarishga qaror qilsa, Premer-ligada katta tajribaga ega Thomas Frank kabi murabbiy Sunderland uchun mos nomzod boʻlishi mumkinligini ham inkor etmadi.
“Zamin”ni Telegramʻda oʻqing!
