«Liverpul»ning sobiq himoyachisi, hozirda teleekspert sifatida faoliyat yuritayotgan Jeymi Karraher «Arsenal»ning shved markaziy hujumchisi Viktor Dyo'keresh haqida o'z fikrini bildirdi. Bu haqda euro-football.ru xabar beradi.
Karraherga ko'ra, u Dyo'kereshni jahon darajasidagi forvard deb hisoblamaydi va yaqin mavsumlar uchun «kanonirlar»ga eng to'g'ri tanlov sifatida ko'rmaydi. Shunga qaramay, ekspert futbolchining xarakteri va o'ziga ishonchini yuqori baholadi: u to'pni qabul qilib, vaziyatdan gol chiqarib ketishi mumkinligini ta'kidladi. Karraher Dyo'kereshni ayrim jihatlarda Alan Shirerga o'xshatdi.
Joriy mavsumda skandinaviyalik hujumchi 15 ta gol urdi va 2 ta golli uzatma amalga oshirdi. Dyo'keresh «Arsenal»da «gol+pas» ko'rsatkichi bo'yicha eng yaxshi natijani qayd etmoqda.
“Zamin”ni Telegramʻda oʻqing!
