Benfika Chempionlar ligasida Realga qarshi javob uchrashuviga tayyorgarlikni davom ettirmoqda. Seshanba kuni Lissabon klubi Santiago Bernabeu arenasida o'yinoldi mashg'ulotini o'tkazdi va mashg'ulotning bir qismi jurnalistlar uchun ochiq bo'ldi. Bu haqda euro-football.ru xabar beradi.
OAV vakillari jamoa bilan birga hujumkor yarim himoyachi Djanluka Prestianni ham shug'ullanayotganini ko'rdi. Bu holat uning vaqtinchalik diskvalifikatsiya qilinganiga qaramay qayd etildi.
Bir kun avval UEFA Prestianniga nisbatan Vinisius Junior tomonidan aytilgan irqchilik haqidagi da'volardan so'ng uni bir o'yinga vaqtincha chetlatganini e'lon qilgandi. Hozircha tekshiruv yakunlanmagan, Benfika esa qaror ustidan apellyatsiya berish niyatida ekanini bildirgan.
Real va Benfika 25 fevral kuni maydonga tushadi. Dastlabki o'yinda madridliklar safarda 1:0 hisobida g'alaba qozongan.
“Zamin”ni Telegramʻda oʻqing!
