Fransiyaning «Marsel» klubi og'ir davrni boshdan kechirmoqda: turli musobaqalardan erta chiqib ketishlar, bosh murabbiy bilan xayrlashish va sport direktori ham lavozimni tark etishga urinishi jamoa atrofidagi vaziyatni yanada taranglashtirdi. U qolgan taqdirda ham avvalgidek ishtiyoq bilan ishlashi qiyin ko'rinadi. Bu haqda euro-football.ru xabar beradi.
Bunga qo'shimcha ravishda, noma'lum kiberjinoyatchilar klubning rasmiy saytiga hujum uyushtirib, sayt va klub bilan qandaydir tarzda aloqada bo'lgan bir necha yuz ming kishiga tegishli shaxsiy ma'lumotlar internetga sizib chiqishiga sabab bo'ldi.
Mahalliy OAV tezkor o'tkazgan so'rov natijalariga ko'ra, ayni paytda muxlislarni eng ko'p tashvishga solayotgan masala jamoaning sport yoki boshqaruvdagi beqarorligidan ko'ra ko'proq aynan xakerlik hujumi va ma'lumotlar xavfsizligi bo'lib turibdi.
“Zamin”ni Telegramʻda oʻqing!
