«Lokomotiv» qanot hujumchisi Zelimhan Bakaev Rossiya terma jamoasi xalqaro turnirlardan to'rt yilga chetlatilgan davrda jamoa qanchalik o'zgargani haqida fikr bildirdi. Bu haqda euro-football.ru xabar beradi.
Bakaevning aytishicha, bosh murabbiy Valeriy Karpin bu vaqt oralig'idan juda samarali foydalanib, ko'plab futbolchilarni sinovdan o'tkazdi. «Qaytganimizda bizda shakllangan asosiy tarkib yadrosi bo'ladi. Uning mehnati samarasini ko'ramiz», — deya Bakaev so'zlarini «Chempionat» keltirdi.
Valeriy Karpin 2021 yildan beri Rossiya terma jamoasini boshqarib kelmoqda. Uning qo'l ostida jamoa 30 ta uchrashuv o'tkazib, 20 g'alaba qayd etdi, 8 marta durang o'ynadi va 2 bor mag'lub bo'ldi.
29 yoshli Bakaev terma jamoa safida 16 o'yinda maydonga tushgan. Uning hisobida 2 ta gol va 1 ta golli uzatma bor.
“Zamin”ni Telegramʻda oʻqing!
