Istanbulning «Galatasaroy» klubi bosh murabbiyi Okan Buruk YECHL pley-off bosqichi javob uchrashuvida «Yuventus»ga safarda qo‘shimcha bo‘limlarda 2:3 hisobida mag‘lub bo‘lgani haqida fikr bildirdi. Bu haqda euro-football.ru xabar beradi.
Mutaxassisning aytishicha, raqib juda kuchli jamoa bo‘lganiga qaramay, «Galatasaroy» keyingi bosqichga chiqqanidan mamnun. Buruk mezbonlar bir kishi kam bo‘lib qolgan vaziyatda ham o‘yin oson kechmaganini ta’kidladi va jamoa bundan ham yaxshiroq harakat qila olishini qo‘shimcha qildi. Uning so‘zlariga ko‘ra, eng muhimi — keyingi bosqich yo‘llanmasi qo‘lga kiritilgani.
Ikki o‘yin natijasiga ko‘ra, «Galatasaroy» turinliklarni 7:5 umumiy hisobda ortda qoldirdi. Istanbul klubi navbatdagi raqibini qur’a tashlash marosimida bilib oladi.
“Zamin”ni Telegramʻda oʻqing!
