Mark Giu o'yin amaliyoti kamligi uchun Chelsidan ketmoqchi

“Chelsi” hujumchisi Mark Giu klub rahbariyatiga murojaat qilib, yozgi transfer oynasida jamoani tark etish istagini bildirdi. Futbolchi muntazam o'yin amaliyoti yetishmayotganini asosiy sabab sifatida ko'rsatgan. Bu haqda euro-football.ru xabar beradi.

Giu o'tgan yil avgustida “Chelsi”dan “Sanderlend”ga ijara asosida o'tgandi. Biroq 26 kundan so'ng, Liam Delap jarohat olganidan keyin, londonliklar uni muddatidan oldin qaytarib oldi.

Joriy mavsumda 20 yoshli hujumchi Angliya Premyer-ligasida 9 ta uchrashuvda maydonga tushdi, ammo atigi bir bor asosiy tarkibda o'yinni boshlagan. Ushbu o'yinlarda Giu o'z hisobiga 1 ta golli uzatma yozdirib qo'ydi.

Transfermarkt ma'lumotlariga ko'ra, Mark Giuning bozor qiymati 12 million yevroni tashkil etadi.