Kamerun terma jamoasining sobiq himoyachisi Jeremi Nzhitap vatandoshi Andre Onana haqida fikr bildirdi. Darvozabon hozirda "Trabzonspor" safida ijara asosida o‘ynamoqda, futbolchining shartnomasi esa "Manchester Yunayted"ga tegishli. Bu haqda euro-football.ru xabar beradi.
Nzhitapning aytishicha, Onananing klubdagi davrida hammasi ham kutilganidek ketmagan va muammo faqat darvozabonga borib taqalmaydi. U Maykl Karrik kelganidan keyin jamoa ichidagi vaziyat ijobiy tomonga o‘zgarganini ta’kidladi. Endi esa Onana ijara muddatini yakunlab, qaytib borishi va asosiy tarkibdan joy olish uchun kurashishi kerakligini urg‘uladi.
Manbaga ko‘ra, Onana qiyin vaziyatlarda ham o‘zining yuqori saviyasini ko‘rsatib kelgan. Joriy mavsumda 29 yoshli darvozabon 21 uchrashuvda maydonga tushib, 32 ta gol o‘tkazib yuborgan, 4 ta o‘yinda esa darvozasini daxlsiz saqlagan.
“Zamin”ni Telegramʻda oʻqing!
