«Liverpul» bosh murabbiyi Arne Slot Muhammad Salohning so‘nggi o‘yinlaridagi natijadorligi haqida fikr bildirdi. Bu haqda euro-football.ru xabar beradi.
Mutaxassisning aytishicha, jamoa Salohning doim ko‘p gol urishiga o‘rganib qolgan va aynan shu holat hozirgi vaziyatni ko‘zga ko‘rinadigan qilib qo‘ymoqda. Slot ta’kidlashicha, u ishlagan davrda ham Saloh ketma-ket uch-to‘rt uchrashuvda gol ura olmagan paytlar bo‘lgan, biroq keyin baribir yana o‘z ritmiga qaytgan.
Slot bu holatni faqat Saloh bilan bog‘lamaslik kerakligini ham qo‘shimcha qildi. Uning so‘zlariga ko‘ra, hujumda odatda ko‘proq gol urib kelgan boshqa futbolchilar — Ekitike va Gakpo ham so‘nggi o‘yinlarda unchalik sermahsul emas. Shu sabab, bu masala jamoaviy xarakterga ega.
Ayni paytda «Liverpul» Angliya Premyer-ligasi jadvalida oltinchi o‘rinda bormoqda.
“Zamin”ni Telegramʻda oʻqing!
