Rossiyalik mashhur murabbiy Yuriy Syomin «Monako» yarim himoyachisi Aleksandr Golovinning joriy mavsumdagi o'yinlari haqida fikr bildirdi. Bu haqda euro-football.ru xabar beradi.
Syomin Golovinning so'nggi uchrashuvda golli uzatma berganini eslatib, uning harakati yomon bo'lmaganini ta'kidladi. Murabbiyning aytishicha, futbolchiga faqat hissiyotlarini biroz nazorat qilish ustida ishlash kerak. U Golovinda hozir omadsiz davr ketayotganini ham, o'yinida pasayish borligini ham ko'rmayotganini aytdi.
Joriy mavsumda 29 yoshli Golovin barcha turnirlarni qo'shib hisoblaganda 26 ta uchrashuvda maydonga tushdi, 2 ta gol urdi va 5 ta assist amalga oshirdi.
28 fevral, shanba kuni «Monako» fransuz chempionati 24-turi doirasida o'z maydonida «Anje»ni qabul qiladi. Uchrashuv 23:00 da (Toshkent vaqti bilan) boshlanishi belgilangan.
“Zamin”ni Telegramʻda oʻqing!
