«Chelsi» bosh murabbiyi Liam Rosenyor Opta superkompyuteri jamoani mavsumning eng og'ir bo'lagi kutayotgani haqidagi taxminlarga munosabat bildirdi. Bu haqda euro-football.ru xabar beradi.
Mutaxassis har bir o'yinni alohida ko'rib chiqishini ta'kidladi: uning fikricha, APLda har hafta sinov, shu bois bir uchrashuvni boshqasidan og'irroq deb baholamaydi. Rosenyor tarkibdan va jamoaning hozirgi o'yinidan qoniqayotganini aytdi.
Murabbiy natijalar bo'yicha ham fikr bildirdi: «12 ta o'yinning 8 tasida g'alaba qozondik, ammo ideal holatda 10 ta uchrashuvda yutishimiz kerak edi. Bu yomon emas». Shuningdek, u futbolchilar jismonan ham, ruhan ham imkon qadar tetik bo'lishi muhimligini qo'shib, mashg'ulotlarda jamoa yaxshi ko'ringanini qayd etdi.
«Chelsi» 1 mart, yakshanba kuni «Arsenal»ga qarshi maydonga tushadi.
“Zamin”ni Telegramʻda oʻqing!
