Londonning «Chelsi» klubida to‘p surgan sobiq markaziy himoyachi Kurt Zuma Ruminiya chempionatidagi faoliyatidan ko‘ngli to‘lmay, «Kluj» safini olti oydan so‘ng tark etdi. Futbolchining navbatdagi manzili Birlashgan Arab Amirliklarining «Al-Vasl» jamoasi bo‘ladi. Bu haqda euro-football.ru xabar beradi.
«Al-Vasl» sport direktori Erik Abidal muzokaralarda muhim rol o‘ynadi va Zuma «gepardlar» safiga qo‘shilish bo‘yicha qaror qabul qildi. Ta’kidlash joiz, fransuz himoyachi yaqinda ham Yaqin Sharqda o‘ynagan — o‘tgan mavsumda Saudiya Arabistonining «Al-Oroba» klubida ijara asosida harakat qilgandi.
Zuma uzoq vaqt o‘ynagan «Vest Hem» keyinchalik u bilan shartnomani bekor qilgan, shundan so‘ng futbolchi Ruminiyaning Kluj-Napoka shahridagi «Kluj»ga kelgandi. Biroq bu hamkorlik atigi yarim yil davom etdi.
“Zamin”ni Telegramʻda oʻqing!
