Mashhur insayder Fabritsio Romano Markus Reshfordning «Manchester Yunayted»dan «Barselona»ga ehtimoliy transferi yuzasidan o‘zidagi ma’lumotlarni oshkor qildi. Bu haqda euro-football.ru xabar beradi.
Manbalarga ko‘ra, kataloniyaliklar angliyalik hujumchini mavsum oxirigacha ijara asosida saqlab turibdi va endi uni to‘liq sotib olish variantini ham ko‘rib chiqmoqda. Ispaniyada yaqinda klublar kelishuv shartlari bo‘yicha murosa topgani haqida xabarlar tarqaldi. Romanoning aytishicha, «Barselona» Reshford masalasida optimizmni yo‘qotmagan: 28 yoshli futbolchi yakuniy roziligini berish arafasida, biroq «qizil iblislar» hanuz o‘z talablarida qat’iy turibdi. «Ko‘k-anorranglilar» bitim tasdiqlanishi uchun mankunianlar rahbariyatini ishontirishi kerak bo‘ladi.
“Zamin”ni Telegramʻda oʻqing!
