Bundesliganing 24-turida Leverkuzendagi "Bayer" o'z maydonida "Maynts"ni qabul qildi. Uchrashuvda mezbonlar to'p nazoratida ustunroq ko'ringan bo'lsa-da, o'yin manzarasida yaqqol bosim yoki ko'p vaziyatlar bilan ajralib tura olmadi. Bu haqda euro-football.ru xabar beradi.
Leverkuzen jamoasi ilk jiddiy imkoniyatini faqat bir soatlardan keyin yaratdi: Patrik Shikning zarbasini darvozabon katta mahorat bilan qaytardi. Oradan ko'p o'tmay "Maynts" tezkor qarshi hujum uyushtirdi va Paul Nebelning uzatmasini Sheraldo Beker havodan turib aniq yakunlab, hisobni ochdi — 0:1.
"Bayer" mag'lubiyat sari ketayotgandek ko'ringandi, ammo 88-daqiqada Jarell Kuansa Kristian Kofanening pasini golga aylantirib, o'yinga tenglik olib keldi — 1:1.
Durangdan so'ng leverkuzenliklar turnir jadvalida 6-o'rinda qolmoqda, "Maynts" esa pastki qismda — oxirdan beshinchi pog'onada bormoqda.
“Zamin”ni Telegramʻda oʻqing!
