"Manchester Siti" klubi 115 ta moliyaviy qoidabuzarlik bo‘yicha aybdor deb topilsa, undan 60 ochko olib tashlanishi "mantiqiy" qaror bo‘lishi haqida ogohlantirildi, deb Goal xabar berdi. Ushbu mashhur voqea bir necha yildan beri davom etmoqda va haligacha yakuniy hukm e’lon qilinmagan. Premyer-liga "Siti"ni to‘g‘ridan-to‘g‘ri quyi ligalarga (EFL) tushirib yubora olmaydi, ammo jazoning boshqa muqobil variantlari ko‘rib chiqilmoqda.
Nima uchun jarayon kechikmoqda va qanday jazolar kutilyapti:
* Futbol moliyasi bo‘yicha ekspert Kiran Maguayrning tushuntirishicha, ikkala tomon (ayblov va himoya) yarim millionga yaqin dalillarni taqdim etgan.
* Sud jarayonida uch nafar yuqori martabali hakam ishtirok etmoqda va ularning ish grafigini moslashtirish qiyinligi sababli qaror chiqarish cho‘zilmoqda.
* Agar "Everton" va "Nottingem Forest" bitta qoidabuzarlik uchun 4-6 ochkodan mahrum qilingan bo‘lsa, "Siti"ning 9 yillik davrni qamrab olgan ayblovlari uchun 40 dan 60 ochkogacha jazo berilishi mumkin.
* Premyer-liga klubni EFL ligalariga (League One yoki League Two) tushirib yuborish vakolatiga ega emas, chunki bu mustaqil tashkilot hisoblanadi.
* Agar klub aybdor deb topilsa, nafaqat ochkolar olib tashlanadi, balki korporativ firribgarlik ayblovi sababli klub direktorlar kengashi to‘liq iste’foga chiqishiga to‘g‘ri keladi.
* Yakuniy hukm yaqin bir necha oy ichida, ehtimol mavsum yakunlanishi arafasida e’lon qilinishi kutilmoqda.
“Zamin”ni Telegramʻda oʻqing!
