Germaniya terma jamoasi bosh murabbiyi Yulian Nagelsmann darvozabon Manuel Noyerni terma jamoaga qaytarish borasidagi gap-sozlarga munosabat bildirdi. Bu haqda euro-football.ru xabar beradi.
OAVda hanuzgacha «Bavariya» sardori, yaqin orada 40 yoshni qarshilaydigan tajribali posbon yana bundestimga chaqirilishi mumkinligi muhokama qilinmoqda. Taxminlarga ko'ra, u Jahon chempionati arafasida Germaniya darvozasi atrofidagi vaziyatga yechim bo'lishi mumkin.
«Bu masalada pozitsiyamni aniq aytganman, Manuning o'zi ham fikrini ravshan bildirgan. U terma jamoadagi faoliyatini yakunlagan. Hozir ham u “Bavariya”da o'z ishini juda yaxshi bajarmoqda, ammo bizda Baumann degan yana bir a'lo darvozabon bor. Olli shu darajada o'ynashda davom etsa, Jahon chempionatini juda yaxshi o'tkazadi», — dedi Nagelsmann Kicker nashriga bergan izohida.
Manuel Noyer 2024 yilda Germaniya terma jamoasidagi faoliyatiga nuqta qo'ygandi.
“Zamin”ni Telegramʻda oʻqing!
