Foto: TeamMelli
Eron milliy jamoasi Turkiyaning Belek shahrida Nigeriya milliy jamoasi bilan o‘tkazilgan o‘rtoqlik uchrashuvi oldidan eʼtirof va xotira aksiyasi o‘tkazdi. Maydonga chiqarilgan futbolchilar binafsha va och qizil ranglarning aralash ryukzaklarini ko‘tarib chiqishdi va milliy madhiya ijro etilgan paytda ularni baland ko‘tarib turishdi.
Bu harakat orqali Eron futbolchilari 28 fevral kuni Minob shahridagi Shajarayi Toyyiba nomli qizlar maktabiga kelgan raketa zarbasi qurbonlarini eslab, u yerda halok bo‘lgan 170dan ortiq insonni, asosan o‘quvchilarni xotirlab qolishdi. Bu eʼtirof aksiyasida futbolchilar faqat xotira tuyg‘usini emas, balki qurbonlarning oila aʼzolariga ham hamdardlik bildirishni maqsad qilishdi.
Eron futbol federatsiyasi vitse-prezidenti Muhammad Nabi taʼkidlashicha, ushbu aksiya tashabbusi futbolchilarning o‘zi tomonidan bo‘lib, ularning niyati ijtimoiy hurmat va hamdardlikni namoyon qilish edi.
Maʼlum qilinishicha, AQSH harbiylari maktabga xatolik tufayli zarba yo‘llagan. Bu xatolik eskirgan razvedka maʼlumotlari asosida amalga oshirilgan bo‘lib, shunga qaramay AQSH hozircha bu xatoni rasman tan olagani yo‘q va faqat holat yuzasidan tekshiruv olib borilayotganini maʼlum qilish bilan cheklanmoqda.
Eron futbolchilari tomonidan amalga oshirilgan ushbu harakat nafaqat sport maydonchasida, balki jamiyatda ham insonparvarlik va xotira eʼzozini namoyon etishda muhim qadam sifatida baholanmoqda.
“Zamin”ni Telegramʻda oʻqing!
